معلومات مهمه عن انقاص الوزن

هناك اكثر من نظام غذائي ممكن عددهم يصل الى المئات منه الصحيح ومنها الخطا لكن فى النهاية الانظمة الصحيحة هتلاقيها مشتركة فى عوامل نجاح واحدة بمعرفة العوامل دى تقدر تعرف جسمك هيمشى ازاى وبرده من خلالها هتقدر بعد كده تحكم على اى نظام غذائى يقابلك وتقول هو كويس ولا لا طب يلا نتعرف عليهم ..........................





1- كمية السعرات الداخلة للجسم (الموضوع ده بيتوقف على مدى ادراكك لتركيب المواد الغذائية مثلا واحد عايز يفقد دهون مايروحش يشرب حليب كامل الدسم لا يشرب خالى الدسم )





2- تناول كميه كافية ومظبوطة من العناصر الغذائية الاساسية(فى ناس تقولك الريجيم يعنى بروتين بس ابعد عن الدهون وعن الكربوهيدرات وكل حاجة طب ما هو ده غلط كل مكون غذائي وله اهميته )








3- الاخذ فى الاعتبار بحالات الاضطراب او الانحراف الايضي عن المعدل الطبيعي(اكيد طبعا محدش جسه بيقوم بعمليه الايض بكفائة 100% لا فى نسبة خلل وبناء عليه النظام الغذائى مش هيقوم بكل المطلوب وانما ده هيتطلب منك كشخص تريد انقاص نسبة دهونك التدخل علشان تأقلم جسم او تهيئة للاستجابة للنظام الغذائى وده بيكون بممارسة الرياضة او زيادة الجهد المبذول)






4- دائما يجب وجود فواصل وقتية اثناء فترات النظام الغذائى(يعنى ما ينفعش تفضل ماشى دايت دايت دايت على طول لا ،،، ده لازم يكون فى فترات راحة مثلا شهر نظام غذائى منضبط وبعد كده تفك شوية بس من غير لخبطة مده يوم او اتنين على الاكثر وبعد كده ترجع تانى للنظام الغذائى مع الاخذ فى الاعتبار تنويع الانظمة الغذائية يعنى عدم الاستمرار على نظام واحد لفترة طويلة)







5- طبعا الصراحة مع النفس ان عمرك ما هتكون ماشى على النظام الغذائي 100% علشان تشوف نتيجة 100% وبالتالى لما تخلص فترة الدايت ما تشعرش باليأس وتقول خلاص كفاية كده وتبدا تعك تانى فى الاكل





6- كذلك مش معنى انك طبقت نظام غذائى بكفاءة تامة انك هتفقد وزن لاده غلط ما انته ممكن وزنك يفقد دهون ويزيد عضل اذا الميزان مقياس خاطىء والاصح هو شكل الجسم هو ده الدافع ليك لما تقف وتشوف فى المراية جسمك على الطبيعة وتلاحظ التحسن فيه اوك؟؟؟؟؟







ملاحظات هامة




الاغذية المعلبة صحية كاملة القيمة الغذائية وايضا اقتصادية وكمان هتساعدك على تحديد كمية السعرات الداخلة لجسمك ومعرفة المغذيات او المكونات الغذائية وطبعا ده بيكون من خلال قراءة القيم الغذائية الموجوده على الغلاف وده بيساعدك على النجاح فى عملية الدايت.






كلمة سعر(او كالورى) معناها ايه؟ دى معناها مقدار الطاقة اللازمة لرفع درجة حرارة 1 جرام من الماء 1 درجة مئوية (أد ايه المصطلح ده يريح قلب ناس كتير) تخيل انك قاعد فى حمام سباحة حواليك كام طن ماء هتفقد كام سعر حرارى؟ اذا السباحة مهمة جدا لحرق الدهون وكذلك لجعل العضلات ممشوقة




المكملات ودى سببت للناس هوس بيها والناس فاكرة ان المكمل هو كل شىء فى حين انه لزوم الشىء !!! بمعنى انه مش هو القانون او النظام العام للريجيم وانما يضاف للنظام للوصل الى درجة الايضاح شبه الكاملة لفائدة النظام الغذائى المتبع



اذا انت مش محتاج تصرف على المكملات وبس لا هتهتم بالتغذية والرياضة قبل المكملات ويارب تكون الصورة واضحة

على راحتك